تحلية سهلة ولذيذة

تحلية سهلة ولذيذة جربوها :
نبداو بالمقادير

الطبقة الاولى :
اذا حابة الطبقة جيك رقيقة ديري باكي بسكويت مرحي و اذا حابة الطبقة متوسطة ديري باكي و نص و اذا حبيتيها خشينة كيما درت انا ديري 2 باكيات مع شوية زبدة ذايبة و رصيها فالمول المتحرك و دخليها للثلاجة تتماسك

الطبقة الثانية:
فالطاس الكهربائي= 2/3 كاس ياوورت طبيعي(ليس بتي سويس)+4 جبن كيري+1/2 كاس لحظة+1/3 كاس سكر + بيضات و نخلط جيدا ثم نكشط الجوانب و نعاود نخلطحتى نتحصل على خليط متجانس ثم نصبو فوق البسكوي
نشعل الفرن 180° من فوق فقط
نحط المول تاعنا فالفرن فليطاج تحت النص و نخليه حتى يتماسك الخليط و يجمد بلا مايحمار الوجه و نجبدها تبرد فالثلاجة حوالي ساعة
الطبقة الثالثة:
كاس حليب+علبة فلان نوارة فاني او كارامال +1/2 م ك نسكافي ونحطهم على النار حتى الغليان مع التحريك المستمر و نصبو فوق الطبقة السابقة ..و كيما قلت بالكيردون نحي كل البالونات باش يبقى الوجه باهي و املس
ان شاء الله تجربوه و يعجبكم 

شكرا لك ولمرورك